Европа Биримдигинин айрым өлкөлөрү өзөктүк энергетика боюнча кызматташууну күчөтөт

Европа Биримдигине (ЕБ) мүчө 11 мамлекет өзөктүк энергетика тармагында мындан аркы кызматташууну макулдашты.

Евробиримдикке мүчө өлкөлөрдүн энергетика министрлери мөөнөттүү төрага болгон Швециянын борбору Стокгольмдо жолугушту.

Жыйындын жүрүшүндө Франция, Нидерландия, Польша, Венгрия, Болгария, Хорватия, Чехия, Финляндия, Румыния, Словакия жана Словениянын министрлери атомдук энергетика тармагындагы кызматташтыкты бекемдей турганы тууралуу биргелешкен билдирүү жасашты.

Билдирүүдө атомдук энергетика тармагындагы изилдөөлөр, техникалык билимдерди бөлүшүү, орток стандарттарды белгилөө, атомдук өнөр жай тармагындагы кызматташтыкты өнүктүрүү жана Европанын өзөктүк потенциалын жогорулатуу жалпы энергетика саясатынын маанилүү максаттары экени белгиленди.

Министрлердин улуттук өзөктүк секторлордун ортосунда камсыздоо чынжырлары, окутуу программалары, жаңы долбоорлор жана иштеп жаткан электр станцияларынын иштетилиши боюнча тыгыз кызматташтыкты кубаттоого макулдашканын белгилеп, атомдук энергетиканын климаттык максаттарга жетүүдө, электр энергиясын өндүрүүдө жана энергия менен камсыздоонун коопсуздугунда маанилүү орду бар экени белгиленди.

Германия, Испания, Австрия жана Люксембург сыяктуу өлкөлөр Франция баштаган 11 өлкөнүн өзөктүк кызматташуу демилгесине жылуу карашкан жок.