Орусия Красная Гораны басып алды

Орусиянын Коргоо министрлиги Украинанын Донецк аймагындагы Красная Гора конушун көзөмөлгө алганын билдирди.

Министрликтин басма сөз катчысы Игорь Конашенков Орусия-Украина согушундагы орус аскер күчтөрүнүн аракеттери тууралуу маалымат бөлүштү.

Орус армиясынын Украинадагы согушун улантканын белгилеген Конашенков ар кайсы аймактарда 300дөн ашуун украин аскеринин таасирсиз абалга келгенин айтты.

Конашенков украин армиясынын курал-жарак жана аскердик техникасын оңдоо борборуна сокку урулганын билдирип: «Штурмдук бөлүктөрдүн ыктыярчылары Орусиянын түштүк күчтөрүнүн Донецк багытындагы артиллериялык жана ракеталык бөлүктөрүнүн колдоосу менен Донецк элдик республикасынын Красная Гора конушун бошотушту»,-деди.

Конашенков акыркы 24 сааттын ичинде Украина күчтөрүнө таандык америкада жасалган 6 көп түтүктүү ракета аткыч HIMARS ракетасы менен 9 учкучсуз учуучу аппараттын (УУА) атканын айтты.

Конашенков: «Ушул учурга дейре Украинага таандык 384 учак, 207 тик учак, 3114 учкучсуз учуучу аппарат, 404 абадан коргонуу ракеталык системасы, 7852 танк жана бронетехника, 1017 көп түтүктүү ракета аткычтар, 482 гаубицалар жана минометтор, 8363 жеке аскердик унаа жок кылынды»,-деп айтты.