Израилде палестиналыктарды граждандыктан ажыратууга Палестинанын каршы чыгуусу

Израиль парламенти «улуттук коопсуздук кылмыштары үчүн кармалгандардын» Палестина башкаруусунан акча алганы аныкталса, жарандыктан ажыратылып, депортацияланышы керек деген мыйзам долбоорун жактырды.

Парламенттин жазуу түрүндөгү билдирүүсүнө караганда мыйзам болушу үчүн экинчи жана үчүнчү добуш берүүдөн өтүшү керек болгон мыйзам долбоору 8 каршы добуш, 89 макул добушу менен кабыл алынды.

Мыйзам долбоору Палестина башкаруусунан каржы алганы далилденсе, «Израиль мамлекетине ишенимди бузуу кылмышы» үчүн камалган адамдардын жарандыктан ажыратылышы же Чыгыш Кудста туруктуу жашоо укугун жокко чыгарууну камтыйт.

Ал ошондой эле бул адамдарды кийин Палестина башкарган аймактарга же Газа тилкесине депортациялоону камтыйт.

Палестинанын Тышкы иштер министрлигинен берилген жазуу түрүндөгү маалыматта, «башка бир жамааттык жазалоо формасы» деп сыпатталган мыйзам долбоорунун «чыңалууну коркунучтуу түрдө күчөтөрү» белгиленди.

Билдирүүдө мыйзам долбоорунун «расисттик» жана «эл аралык укукка каршы кылмыш» экени баса белгиленип: «Тышкы иштер министрлиги Израиль парламентинде палестиналык камактагылардын жарандыгын же туруктуу жашаган жерин жокко чыгара турган бир катар расалык дискриминациялык мыйзам долбоорлорунун кабыл алынышына байланыштуу талкууну кылдат байкап жатат»,деген сөздөр камтылды.

Палестина башкаруучулугунун жыл сайын туткундардын үй-бүлөлөрүнө акчалай жардам бергени эске салынган билдирүүдө : «Палестина башкаруусу туткундардын үй-бүлөлөрүнө жөлөк пул бергени үчүн Израилдин кысымы астында»,- деп айтылды.