Венгриянын Тышкы иштер министри Куран Каримдин өрттөлүшүнө каршылык көрсөттү

Венгриянын Тышкы иштер жана тышкы соода министри Петер Сиярто башка диндин ыйык китебинин өрттөлүшү жана кемсинтилиши эч качан кабыл алынбай тургандыгын айтты.  

Министр Сиярто ашынган оңчул саясатчы Расмус Палудандын Швециядагы Стокгольм элчилигинин алдында Куранды өрттөшүнө каршылык көрсөттү.

Кандайдыр бир диндин ыйык китептеринин же символдорунун өрттөлүшүнө же кемсинтилишине чечкиндүү түрдө каршы экендиктерин белгилеген Сиярто буларды айтты : «Христиан катары, ишенген католик христиан катары айтып жатам, башка диндин ыйык китебинин өрттөлүшү жана анын кемсинтилиши эч кабыл алынбайт. Башка бир диндин ыйык китебинин өрттөлүшүн «сөз эркиндиги» деп айтууга болбойт. Бир өлкө НАТОго кошулууну каалап жатса жана Түркиянын да колдоосун алууну каалап жаткан болсо этият болушу керек».