Орусия украин армиясынын батыштын куралы менен кол салуусун айыптады
Министрликтин билдирүүсүндө, Украинанын куралдуу күчтөрүнүн кечээ Луганск облусунун Новоайдар шаарындагы ооруканага АКШда жасалган HIMARS көп баррелдүү ракета аткыч системасы менен кол салганы белгиленди.
Орусиянын Тышкы иштер министрлиги НАТО өлкөлөрү берген чалгындоо маалыматтары менен Украина армиясынын Луганскка АКШнын куралын колдонгон кол салуусунда 14 кишинин каза болгонун жана 24 кишинин жараланганын билдирди.
Министрликтин билдирүүсүндө, Украинанын куралдуу күчтөрүнүн кечээ Луганск облусунун Новоайдар шаарындагы ооруканага АКШда жасалган HIMARS көп түтүктүү ракета аткыч системасы менен кол салганы белгиленди.
Билдирүүдө бул кол салууда НАТО өлкөлөрү тарабынан берилген чалгындоо маалыматтары, анын ичинде спутник маалыматтары колдонулганы белгиленип:«(Бул чабуулдун натыйжасында) 14 адам каза болду. 24 адам ар кандай даражада жарадар болду»,-деп айтылды.
Кошумчалай кетсек, ошол эле күнү Украина армиясы тарабынан Херсон облусундагы Новоя Каховкага атылган 17 ракетанын үчтөн бири оорукананын аймагында жарылганы билдирилип,«Ооруканаларды атайылап бутага алуу жана жайкын тургундарды өлтүрүү Киев режиминин жана анын батыштык кожоюндарынын оор согуш кылмыштары. АКШ жана НАТО өлкөлөрүнүн Киев тарабынан эл аралык гуманитардык укуктун үрөй учурарлык түрдө бузулушуна реакция кылбаганы алардын чыр-чатакка жана жасалган кылмыштарга түздөн-түз тиешеси бар экенин дагы бир жолу ырастайт. Мындай аракеттерге калыс баа берүүгө чакырылган эл аралык органдар да унчукпай турушат»,деген баалоо жүргүзүлдү.
Батыш өлкөлөрү орус армиясын Ирпен жана Бучада кош стандарттар менен айыптаса, украин армиясы карапайым калктын америкалык, британиялык, немис жана француз куралдары менен өлтүрүлүшүн көрмөксөнгө салганы белгиленген билдирүүдө, ошол эле учурда Европа Орусияга каршы мыйзамсыз сот түзүүгө шашкандыгы белгиленди.
Батыштын өз жоопкерчилигин жабуу үчүн көңүл бурууну башка тарапка бурууга аракет кылып жатканына токтолгон билдирүүдө, «Киев куралдуу күчтөрү тарабынан жасалган бул кылмыштуу мыйзамсыз аракеттердин баары жазасыз калбайт»,делди.
Орусиянын Коргоо министрлиги кечээ күнү Украина армиясынын Луганск аймагындагы Новоайдар отурукташкан жериндеги ооруканага АКШ чыгарган HIMARS көп түтүктүү ракета аткычы менен кол салуусунан 14 кишинин каза болгонун жарыялады.
