Ыйык Курандын өрттөлүшүнө байланыштуу АКШнын билдирүүлөрү...

Америка Кошмо Штаттары (АКШ) Түркиянын Стокгольмдогу элчилигинин алдында Курандын өрттөлүшүн айыптабай, окуянын урматсыздык жана жийиркеничтүү болгонун билдирди.

АКШнын Мамлекеттик департаментинин басма сөз катчысы Нед Прайс күнүмдүк маалымат жыйынында суроолорго жооп берип жатып, Стокгольмдогу Түркия элчилигинин алдында Курани Каримдин өрттөлүшүнө да токтолду.

Нед Прайс: «Демократиянын элементтери катары биз уюмдашуу жана чогулуу укугун колдойбуз. Бирок, Швециянын премьер-министри (Ульф Кристерссон) айткандай, ушунча адам үчүн ыйык болгон китепти өрттөп жиберүү сыйлабастык болуп саналат»,-деди.

Мыйзамдуу болгон бардык нерсенин ылайыктуу дегенди билдирбегенин белгилеген Прайс 2010-жылы Флоридада бир дин кызматчынын Курани Каримди өрттөөнү пландап жатканын эске салып: «Кээ бир нерселер мыйзамдуу, бирок жаман болушу мүмкүн»,-деди.

Басма сөз катчысы: «Ошол эле учурда биз Швецияда болгон окуя Атлантика океанынын аркы өйүзүндөгү европалык союздаштарыбыздын ортосундагы биримдикти алсыратуу үчүн кара ниеттик менен жасалган болушу мүмкүн экенин билебиз»,-деп айтты.

Басма сөз катчысы бул аракеттин Швеция өкмөтүнүн аракети эмес, Түркия менен Швециянын мамилесин бузуу ниети менен аракет кылган кара ниет провокатордун аракети экенин айтты.

Ак үйдүн басма сөз катчысы Карине Жан-Пьер болсо Швециянын Стокгольм шаарындагы Түркия элчилигинин алдында Курани Каримдин өрттөлүшүнө байланыштуу Швециянын премьер-министри Ульф Кристерссондун «Бул мыйзамдуу болушу мүмкүн, бирок ылайыктуу деген маанини бербейт»,деген сөзүн колдой тургандыктарын жана бул жүрүм-турумдун «өтө сыйлабастык» экенин айтты.