Песков: «Батыш өлкөлөрүндө тынчсыздануулар тынымсыз көбөйүүдө»

Орусиянын Президенттик сарайынын басма сөз катчысы Дмитрий Песков Украинага курал-жарак ташыган өлкөлөр бул үчүн жооптуу болоорун билдирип: «Варшава менен катар Европа өлкөлөрү Берлинди эл аралык обочолонтуу менен коркутууда. Мунун баары альянстын мүчөлөрүнүн ортосундагы тынчсыздануу тынымсыз күчөп жана өсүп жатканын көрсөтүп турат»,-деди.

Песков баш калаа Москвада батыш өлкөлөрүнүн, өзгөчө Германиянын Украинага мүмкүн болгон танк жөнөтүүлөрүн баалады.

Күн тартибиндеги мүмкүн болгон танка жөнөтүү үчүн Европадагы өлкөлөрдүн бири-бирин айыптай баштаганына көңүл бурган Песков: «Варшава менен катар Европа өлкөлөрү Берлинди эл аралык обочолонтуу менен коркутууда. Мунун баары альянстын мүчөлөрүнүн ортосундагы тынчсыздануу тынымсыз күчөп жана өсүп жатканын көрсөтүп турат»,-деп айтты.

Батыш өлкөлөрүнүн Украинага курал-жарак жеткирүүдөн жооптуу экенин белгилеген Песков: «Украинанын технологиялык деңгээлин көтөрүшүнө жана курал-жарактардын өткөрүлүшүнө түздөн-түз же кыйыр түрдө байланышы бар бардык өлкөлөр бул кырдаалга жооптуу»,-деди.

Дмитрий Песков, курал-жарак жеткирүү Украинага зыян келтиргенин белгилеп: «Негизги маселе, бул аракеттердин жана оозеки колдоо дегендердин чыгымын украин эли көтөрүп жаткан болушу»,-деп айтты.