Орусиянын Украинадагы чабуулдары

Орусиянын Коргоо министрлиги, Украинанын Донецк облусундагы Краснопилля конушунун орус аскерлери тарабынан көзөмөлгө алынганын билдирди.

Министрликтин басма сөз катчысы Игорь Конашенков борбор шаар Москвада, Орусия-Украина согушундагы орус армиясынын чабуулдарына байланыштуу билдирүү жасады.

Украинадагы кагылышуулардын уланып жатканын белгилеген Конашенков: «Чабуулчу бөлүктөрдөгү ыктыярчылар, Орусиянын Түштүк аскер округунун Донецк багытындагы оперативдүү-тактикалык аба, ракеталык жана артиллериялык бөлүктөрүнүн колдоосу менен Донецк элдик республикасынын Краснопилля конушун бошотушту»,- деди.

Конашенков ошондой эле: «Бүгүнкү күнгө чейин Украинага таандык 376 учак, 203 тик учак, 2 миң 934 учкучсуз учуучу аппарат, 401 абадан коргонуу ракеталык системасы, 7 миң 607 танк жана бронетехника, 987 көп стволдуу ракета аткычтар, 3 миң 893 гаубицалар жана минометтор, 8 миң 153 жеке аскердик унаа жок кылынды»,-деп кабарлады.