Британиялык актёр Жулиан Сэндс дайынсыз жоголду

 Британиялык актёр Жулиан Сэндс АКШнын Калифорния штатынын түштүк бөлүгүндө табиятта жүрүшкө чыгып, дайынсыз жоголду.

Сан - Бернардино округунун полициясынын басма сөз катчысы Глория Хуэрта Калифорнияда табиятта жүрүшкө чыккан 65 жаштагы актердун жума күндөн бери табыла электигин  билдирди.

Хуэрта Жулиан Сэндсти табуу үчүн Сан-Габриэль тоолорунун айланасында издөө - куткаруу иштеринин башталганын, бирок изи табылбаганын белгиледи.

Маалымат катчысы Хуэрта аймактагы кар көчкү коркунучу жана рельеф шарттарынан улам кургактыктан издөө иштеринин кээ – кээде  токтогонуна карабастан, тик учак ​​жана учкучсуз учуучу аппараттар менен улантылып жаткандыгын  айтты.

Жетекчилер буга чейин аталган аймакта жүрүшкө чыккан  эки кишинин каза болгондугу тууралуу маалыматты билдиришкен.