Орусия аскерлеринин санын көбөйтүүдө

Орусиянын коргоо министри Сергей Шойгу, армиядагы жоокерлердин санынын 1,5 миллионго көбөйөрүн билдирди.

Сергей Шойгу, министрликтин жетекчилери менен өткөргөн жыйында 2023-жылдан 2026-жылга чейин армиянын курамында чоң өзгөрүүлөр болорун белгиледи.

Орусиянын Куралдуу күчтөрүнүн курамын кеңейтүү үчүн бардык иш-аракеттердин комплекстүү бир планга айкалыштырылышы жана коргоо өнөр жайынан курал-жарактарды жеткирүү убактысы менен дал келиши керектигин белгилеген Шойгу, Орусиянын президенти Владимир Путиндин аскерлердин санын 1,5 миллионго көбөйтүү чечимин чыгарганын айтты.

Министр Шойгу: «Мамлекеттин аскердик коопсуздугун камсыз кылуу жана Орусия Федерациясынын жаңы аймактары менен маанилүү объектилерин коргоо армиянын негизги структуралык бөлүктөрүн чыңдоо аркылуу гана мүмкүн болот»,-деп баа берди.

Армияда "Москва жана Ленинград" деп аталган 2 жаңы стратегиялык аскердик аймак түзүлөрүн билдирген Шойгу: «Орусия Федерациясынын жаңы аймактарында да өзүн-өзү камсыздоочу бөлүктөр түзүлөт»,- деди.

Путин өткөн жылы кол койгон жарлык менен 2023-жылга карата аскер санын 137 миңге көбөйтүп 1 миллион 150 миң 623кө жеткирген болчу.