Болгария АКШдан F-16 сатып алат
Парламенттеги добуш берүүдө согуштук учак сатып алуу жөнүндөгү мыйзам долбоору кабыл алынды.
Болгариянын парламенти, өкмөттүн АКШдан "F-16 Block 70" үлгүсүндөгү 8 согуштук учак сатып алуусуна уруксат берди.
Парламенттеги добуш берүүдө өкмөттүн АКШдан 8 даана «F-16 Block 70» үлгүсүндөгү согуштук учак сатып алуу жөнүндөгү мыйзам долбоору 162 макул 49 каршы добушу менен жактырылды.
Кабыл алынган мыйзамга ылайык, Болгария АКШдан 1 миллиард 296 миллион долларга 8 согуштук учак сатып алат.
Учактардын 2027-жылга чейин жеткирилери белгиленди.
Болгария буга чейин 2019-жылы парламенттин чечими менен АКШдан ушул эле типтеги 8 согуштук учак сатып алуу үчүн 1,1 миллиард доллар аванс төлөгөн.
Өндүрүштү кечеңдеткен АКШ биринчи учагынын 2025-жылы Болгарияга тапшырыла турганын билдирген.
Аба флотуна кошула турган 16 F-16 өлкөнүн аба мейкиндигин коргоо милдетин алат.
Болгариянын аскер-аба күчтөрү 15 эски орусиялык МиГ-29 учагынан турат.
Орусиянын Украинага каршы согушунан улам бул учактарды тейлөө жана оңдоо мүмкүн болбой жатат.
