Сергей Шойгу согушка байланыштуу маалымат берди

Россиянын коргоо министри Сергей Шойгу акыркы 2 аптада Украинада 190дон ашуун чет элдик жалданма согушкердин зыянсыздандырылып, 74 танк жана 235 бронетехниканын жок кылынганын билдирди.

1900643
Сергей Шойгу  согушка байланыштуу маалымат берди

Россиянын коргоо министри Сергей Шойгу акыркы 2 аптада Украинада 190дон ашуун чет элдик жалданма согушкердин зыянсыздандырылып, 74 танк жана 235 бронетехниканын жок кылынганын билдирди.

Шойгу борбор шаар Москвада аскердик жетекчилер менен жолугушууда 24 - февралдан бери уланып жаткан Россия - Украина согушуна байланыштуу маалымат берди.

Россияда 21 - сентябрда жарыяланган жарым - жартылай мобилизациянын алкагында 300 миң кишинин армияга чакырылганын белгилеген Шойгу мобилизациянын алкагындагы иш - чаралардын аяктаганын эске салды.

Мобилизациялангандардын ок атуучу полигондордогу машыгууларынын бүтүү алдында турганын белгилеген Шойгу : «87 миң киши машыгуудан кийин кагылышуу болгон аймактарга жөнөтүлдү»,-деди.

Министр Шойгу орус армиясынын Украинадагы аракеттери тууралуу маалымат берип : «Акыркы 2 жумада 190дон ашуун чет элдик жалданма согушкер, 74 танк, 235 бронетранспортёр, 2 HIMARS көп стволдуу ракета аткыч жана 268 оор пулемет унаасы жок кылынды»,- деди.  

Украинанын аскердик инфраструктура элементтерине жогорку тактыктагы куралдар менен кол салууну уланткандарын белгилеген Шойгу бул кол салуулардын Украинанын аскердик потенциалын азайтканын белгиледи.



Тектеш кабарлар