Британия Ковид - 19дун эки жаңы варианты тууралуу маалымат берди

Саламаттыкты сактоо боюнча коопсуздук агенттигинен берилген маалыматта Британияда Омикрон вариантынын көп сандаган суб-версиялары таралып жатканы белгиленди.

1899340
Британия  Ковид  -  19дун эки жаңы  варианты тууралуу маалымат берди

Британия коронавирус Ковид  - 19дун эки жаңы вариантынын аныкталгандыгын билдирди.

Саламаттыкты сактоо боюнча коопсуздук агенттигинен берилген маалыматта Британияда Омикрон вариантынын көп сандаган суб-версиялары таралып жатканы белгиленди.

Маалыматта кийинки күндөрдө жүргүзүлө турган изилдөөлөр үчүн Ковид   19  вирусунун Омикрон вариантынын суб-версиялары болгон бул түрлөрүнүн  BQ.1 жана  XBB деп аталгандыгы билдирилди.

BQ.1 жана  XBB деп аталган суб  - версиясынын иммунитеттен качуу мүмкүнчүлүгүнүн жогору экендиги бирок варианттардын тынчсыздантуучу  түр катары аныкталбагандыгы тууралуу маалымат бөлүшүлдү.

Саламаттыкты сактоо боюнча коопсуздук агенттигинен жооптуу доктор Мира Чанд варианттарга каршы мыкты коргонуунун Ковид  - 19га каршы чыгарылган вакциналар экендигин баса белгилеп, баарын бардык вакциналарды алууга чакырды.

Европа ооруларды алдын алуу жана көзөмөлдөө борбору 21 -  октябрда Европада ноябрь айынын ортосунан декабрь айынын башына чейин BQ.1 суб  - версиясынын басымдуу штамм болорун билдирген.

Борбордон берилген маалыматта BQ.1 варианты көп болгон өлкөлөрдүн 19 пайыз менен Франция, 9 пайыз менен Бельгия, 7 пайыз менен Ирландия, 6 пайыз менен Нидерландия жана 5 пайыз менен Италия экендиги маалымдалган.

 

 

 

 

 



Тектеш кабарлар