Иракта 2,5 миллиард долларды уурдаган шектүү кармалды

Ирактын мамлекеттик банктарындагы Башкы салык башкармалыгынын 2,5 миллиард долларлык аманаттарынын уурдалышын иликтөөдө шектүү чет өлкөгө качууга аракет кылып жаткан жеринен кармалды.

Ирактын расмий маалымат агенттиги INA билдиргендей, мамлекеттик банктан 2,5 миллиард доллардын уурдалышын иликтөөдө сот 3 кишини камакка алуу жана өлкөдөн чыгууга тыюу салуу чечимин чыгарды.

Ички иштер министри Осман Ганими да шектүүлөрдүн бири Нур Зухейр Касимдин жеке учак менен чет өлкөгө качууга аракет кылып жатканда аэропортто атайын дайындалган күчтөр тарабынан кармалып, камакка алынганын билдирди.

Иракта 16-октябрда Башкы салык кызматына тиешелүү 2,5 миллиард долларлык аманат мамлекеттик банктан уурдалганы айтылган.