Гималайда кар көчкү болду
Көчкүдө альпинисттердин 10ну каза болуп, 11ри дайынсыз жоголду.
Гималайдын Индиядагы бөлүгүнө кар көчкү түшүп үйрөнчүк альпинисттердин 10ну каза болуп, 11ри дайынсыз жоголду.
Уттаракханд штатынын полиция башчысы Ашок Кумар аймактын чектеринин ичинде жайгашкан Гархвал Гималай тоолорунда 29 альпинист болгон чокуда кар көчкүнүн түшкөнүн жарыялады. Кумар 8 альпинисттин куткарылгандыгын жана дарылоого алынганын белгилеп, издөө - куткаруу иштеринин уланып жатканы тууралуу маалымат бөлүштү.
Press Truth India сайты 10 альпинист каза болуп, 11 альпинисттин дайынсыз экенин жарыялады.
Эл аралык альпинизм федерациясынын расмий өкүлү Амит Чоудхари: «Индия альпинизминин тарыхында биринчи жолу альпинизм боюнча машыккандардын чоң тобу көчкү алдында калып каза болду», - деди.
Уттаракханд штатынын премьер-министри Пушкар Сингх Дхами Улуттук апаат менен күрөшүү күчү жана Индия армиясынын куткаруу аракеттерине жардам берүү үчүн топторду милдеттендиргендигин айтты.
Уттаракханддын тоолуу аймактарында кар көчкүлөр көп болуп, ал эми өткөн жылы Гималайдагы бир мөңгүнүн ажырашына себеп болгон жер көчкү жана суу ташкындарынан кеминде 200 адам каза болгон.
