Дүйнөдө ысырапкорчулук

Бүгүн Азык-түлүктү жоготуу жана ысырапкорчулук боюнча маалымдуулуктун эл аралык күнү.

1885451
Дүйнөдө ысырапкорчулук

Дүйнө жүзү боюнча сатуу жана керектөө баскычындагы азык-түлүктүн 17 пайызынын ысырап болуп жатканы эскертилди.

Бириккен Улуттар Уюмунун (БУУ) Азык-түлүк жана айыл чарба уюму (ФАО) тарабынан Азык-түлүктү жоготуу жана ысырапкорчулук боюнча маалымдуулуктун эл аралык күнүнө карата жарыяланган билдирүүдө, азык-түлүк жоготуулары боюнча глобалдык көрсөткүчтөр бөлүшүлдү.

Дүйнөдө азык-түлүктүн 14 пайызынын түшүм жыйналгандан кийин ысырап болгону, сатуу жана керектөө баскычындагы азыктардын болсо 17 пайызынын ысырап кылынганы белгиленди.

Ысырап кылынган тамак-аштын көлөмү глобалдык парник газдарын колдонуунун 8-10 пайызына туура келгени жана бул ылдамдыкта парник газдарынын эмиссиясы олуттуу климаттык көйгөйлөрдү жаратаары баса белгиленди.

3,1 миллиард адамдын туура тамактанбаганы жана 828 миллион кишинин ачарчылыктан жапа чегип жатканы баса белгиленип, бардык өлкөлөргө тамак-аш ысырапкорчулугуна каршы чараларды тездетүү чакырыгы айтылды.

Ысырапкорчулукту азайтуу үчүн инновациялык технологияларды өнүктүрүү, тамак-ашты органикалык жер семирткичтерге жана биологиялык газга айландыруу, тамак-ашты башкарууну жакшыртуу сыяктуу чаралардын көрүлүшү керектиги билдирилди.



Тектеш кабарлар