Орус дипломаттын Украина тууралуу бөлүшүүсү Австрияда каршы чыгууну жаратты

Австрияда орус дипломатынын Украина тууралуу бөлүшүүсү реакцияларды жаратты.

Орусиянын Бириккен Улуттар Уюмунун (БУУ) Вена кеңсесиндеги туруктуу өкүлү Михаил Ульянов, Украинанын президенти Владмир Зеленскийдин АКШдан өлкөсүнө жасалган курал жардамы тууралуу Твиттерден жасаган бөлүшүүсүнө карата, «Украина элине эч кандай ырайым жок» деген комментарийи Австрияда каршы чыгууларды жаратты.

Венадагы украин өкүлдөрү Ульяновдун билдирүүлөрүн «геноцидге чакырык» катары чечмелешти.

Бул боюнча Австриянын Тышкы иштер министрлиги жазуу түрүндөгү билдирүү жасап, орус дипломат Ульяновго реакция жасады.

Министрлик өз билдирүүсүндө сөз эркиндигин жактай турганын, бирок алар «мындай чагымчыл риторикага чечкиндүү түрдө каршы экендиктерин» билдирген.

Венада 18 айга жакын созулган Ирандын өзөктүк сүйлөшүүлөрүндө орус делегациясын да жетектеген дипломаттын Тышкы иштер министрлигине чакырыла турганы да белгиленди.

Каршы чыгуулардан кийин билдирүүсүн өчүргөн орус дипломаты Ульянов, билдирүүлөрүнүн бурмаланганын белгилеп, Зеленский АКШдан курал сатып алып, дипломатиянын ордуна согушту артык көргөнүн украин элине түшүндүрүүгө аракет кылып жатканын жүйө келтирди.