Израилдин корго министри Газага чабуулдарды улантуу буйругун берди

Израилдин коргоо министри Бенни Ганцтын Израиль армиясына блокададагы Газа тилкесиндеги чабуулдарын улантуу боюнча көрсөтмө бергени белгиленди.

Yedioth Ahranot гезитинин кабарына караганда, Ганц аскерий жана коопсуздук кызматкерлери менен болгон баалоо жолугушуусунда Газа тилкесинде «өзгөчө Израилге ракета атылышынын алдын алуу үчүн чабуулдарды улантуу» буйругун берген.

Израилдин Коомдук телерадио уюмунун кабарына караганда, Израиль армиясынын басма сөз катчысы Ран Кочав: «Исламий Жихадга каршы катуу күрөштө, жерден жана абадан катуу чабуулдарын уланта беришет»,-деди.

Израиль армиясынын басма сөз катчысы болсо жазуу түрүндөгү билдирүүсүндө тик учактар ​​менен Газадагы Исламий Жихадга таандык 3 аскердик пунктка сокку урулганын жарыялады.

Бир тараптан Газадан Израилге карай ракета атылышы уланууда.

Газа тилкесинин жанындагы Сдерот, Ибим жана Нир-Ам сыяктуу жөөт конуштарында кол салуу сиреналары угулганы кабарланды.

Исламий Жихадга таандык чекиттерди бутага ала турганын билдирген Израиль армиясы блокададагы Газа тилкесине чабуулун кечээ, экинчи күнү да улантканын жарыялады.

Палестинанын Саламаттыкты сактоо министрлигинен берилген жазуу түрүндөгү маалыматта Израилдин Газага кол салууларында 5 жашар бала жана 23 жаштагы аял болуп бардыгы 12 палестиналыктын каза болгондугу, 84 жарандын жаракат алганы белгиленди.

Кечээ Израилдин кол салууларында Исламдык Жихаддын алдыңкы лидерлеринин бири Жабир ат-Тайсири каза болгону кабарланган.

Ислам Жихадынын аскерий канаты Кудс Сериясы Израилдин кол салууларына жооп иретинде Газа тилкесинин айланасындагы шаарлар, Тель-Авив жана борборго карай 100 ракета атылганын жарыялады.