Айга барган экинчи космонавттын күрмөсү сатылды

1969 -  жылы Айга барган  Базз Олдриндин Аполлон 11 миссиясында кийген күрмөсү АКШнын Нью  -  Йорк шаарындагы аукциондо 2 миллион 772 миң 500 долларга сатылды.

1969-жылы 20-июлда Нил Армстронг менен Айдын бетине адамдын биринчи жолу космоско учуусуна катышкан астронавт Базз Олдриндин жеке буюмдарынын коллекциясы Нью-Йорктогу Sotheby's аукционунда сатылды.

Олдриндин космостук саякатында кийген жана АКШнын Авиация жана космостук мекемеси  NASAнын логотиби менен АКШнын желеги түшүрүлгөн күрмөсү 2 миллион 772 миң 500 долларга сатылды.

92 жаштагы космонавттын күрмөсү эң баалуу космостук экспонат болду.