Германияда жаштардын саны азаюуда
Германиянын Федералдык Статистика Башкармалыгы билдирүү жасады.
Германияда 15-24 жаштагы калктын санынын 1950-жылдан берки эң төмөнкү деңгээлге кыскарганы билдирилди.
Германиянын Федералдык Статистика Башкармалыгы (Destatis) тарабынан жарыяланган билдирүүдө 8,3 миллион кишинин 15-24 жаш арасында экени жана бул жаштагы жаштардын жалпы калктын 10 пайызын түзгөнү белгиленди.
Билдирүүдө Германияда жалпы калктын 83,2 миллион менен эң жогорку деңгээлге жеткени, бирок 15-24 жаш арасындагы адамдардын санынын 1950-жылдан бери сан жагынан да, пропорционалдык жактан да эң төмөнкү деңгээлге азайганы белгиленди.
Демографиялык түзүлүштүн провинциялар арасында айырмаланганына көңүл бурулган билдирүүдө, Бремен аймагында калктын 11 пайызын 15-24 жаш арасы түзсө, бул көрсөткүч өлкөнүн чыгышындагы Бранденбургда 8 пайыз, Саксония-Анхальт жана Мекленбург-Төмөнкү Поммерн аймактарында 8,3 пайыз экени маалымдалды.
Тектеш кабарлар
Илхам Алиев Москвада Путин менен жолугушат
Эки лидер актуалдуу аймактык маселелер боюнча пикир алмашат.