Орусия тыңчылык менен кармаган илимпоз Колкер каза болду

Кытайга мамлекеттик сырларды камтыган маалыматтарды берген деген жүйө менен рак оорусунан дарыланып жаткан ооруканада кармалган орусиялык илимпоз Дмитрий Колкер каза болду.

Физика-математика илимдеринин доктору Дмитрий Колкер өткөн аптада рактын 4-стадиясында дарыланып жаткан Орусиянын Новосибирск шаарындагы ооруканада кармалган.

Колкер Кытайга мамлекеттик сырды камтыган маалыматтарды берген деп айыпталган.

Орус илимпозунун үй-бүлөсү Колкердин абалы начарлап, каза болгонун билдирди.

54 жаштагы Дмитрий Колкерди 12 жылдан 20 жылга чейин эркинен ажыратуу суралган.