Нигерияда уурдалган адамдар үчүн кун талап кылынды

Нигериянын Кадуна штатында 19 -  июнда эки чиркөөгө жаслаган кол салууда уурдалган 36 адам үчүн кун талап кылынды. 

Рубу жамааттарынын эмири Элиша Маринин айтымында 19 -  июнда мотоциклчен куралдуу кишилердин штататын Кажуру аймагындагы эки чиркөөдөн уурдаган 36 кишинин эркин бошотуу үчүн 100 миллион Нигерия найрасы (болжол менен 4 миллион түрк лирасы) кун талап кылышкан. 

Бир тараптан Кадуна мамлекеттик ички коопсуздук жана ички иштер комиссары Самуэль Аруван барымтадагыларды куткаруу үчүн аймакта операциялардын уланып жатканын билдирди.

19-июнь күнү Кажуру аймагындагы эки чиркөөгө куралчан адамдар тарабынан жасалган кол салууларда 3 киши каза болуп, 36 киши уурдалган.

Нигерияда адам уурдоо өлүм жазасы менен жазаланат, бирок кун үчүн адам уурдоо бат  - бат болуп турат. 

Өлкөдө күчөп бараткан коопсуздук маселелери менен  күрөштүн алкагында кун төлөөгө тыюу салынган.