Украина : "Северодонецкте шаар согушу башталды"
Украинанын Башкы штабы өлкөнүн чыгышындагы Северодонецкте “шаар согушунун” башталганын билдирди.
Башкы штабдын билдирүүсүндө Россиянын 101 күн мурда Украинага каршы баштаган согушу Донецк багытындагы фронттордо акыркы абалга баа берилди.
Согуштун өлкөнүн чыгышындагы өнөр жайлуу Северодонецк шаарында күч алгандыгына көңүл бурулган маалыматта артиллериянын колдоосу менен операцияны уланткан душман менен «шаар согушунун» башталгандыгы белгиленди.
Орус баскынчылардын Северодонецкте Северский Донец дарыясынын сол жээгиндеги аймактын көзөмөлүн алууга аракет кылгандыгы билдирилди.
Катуу кагылышуулар болгон Днепр аймагында Слобоянское кыштагынын багытында да орус күчтөрүнүн кыйраган 100гө жакын аскердик техниканы эвакуациялагандыгы маалымдалды.
Душман армиясынын Харьков багытында басып алган бөлүктөрдү колунда кармап турууну улантууга аракет кылгандыгы белгиленди.
Херсон аймагында жергиликтүү калктын орус күчтөрүнө каршы турууну улантып жаткандыгы, 24 саатта кагылышуу линиясында Россияга таандык 1 танк, 1 артиллериялык системасы, 6 бронетранспортер, 3 аскердик унаа, 2 Орлан - 10 жана 1 тактикалык чалгындоочу "Элерон" үлгүсүндөгү учкучсуз учуучу аппараттын жок кылынганы маалымдалды.
