Россия : "Азовсталь толугу менен бошотулду"

Россиянын Коргоо министрлигинин катчысы Игорь Конашенков Мариуполдо Россияга каршы турууну улантып жаткан «Азовсталь» темир заводундагы украин аскерлеринин акыркы тобунун чыгарылгандыгын жана заводдун толугу менен эвакуацияланганын билдирди.

Игорь Конашенков 24 -  февралдан бери болуп келе жаткан Украина согушунун акыркы абалы тууралуу  маалымат берди.

Маалымат катчысы Конашенков Украинанын Мариуполь шаарында орус армиясына каршылык көрсөтүүнүн символуна айланган «Азовсталь» темир заводундагы акыркы украин аскерлеринин багынгандыгын билдирди.

Конашенков : «Азов батальонуна караштуу бир группа украиналык аскер 21 -  апрелден бери тосуп турган Мариуполдогу «Азовсталь»  темир заводу толугу менен бошотулду. Аскерлер жашырынган аянт толугу менен Россиянын куралдуу үчтөрүнүн көзөмөлүнө өттү. 531  украиналык аскерден турган акыркы топ да багынды»,- деди.

Азов батальонунун командиринин заводдон атайын брондолгон унаа менен чыгарылгандыгын  белгилеген Конашенков 16 -  майдан бери заводдон жалпы 2 миң 439 Украина аскеринин куралдарын таштап багынгандыгын айтты.

Катчы Россиянын коргоо министри Сергей Шойгунун операциянын аяктагандыгын, заводдун аянтынын жана Мариуполь шаарынын украиналык аскерлерден толугу менен алынгандыгын  Россиянын президенти Владимир Путинге билдиргендигин  белгиледи.