Израиль аскерлери Батыш Шериада 2 палестиналыкты жаралады

Израиль аскерлеринин басып алган Батыш Шерианын түндүгүндө ачкан октун натыйжасында эки палестиналык оор жаракат алды.

Израиль аскерлери Батыш Шерианын түндүгүндөгү Женин шаарына жакын жайгашкан Эль-Йамун шаарчасына кирип барып, көп сандаган палестиналыктын үйлөрүнө тинтүү жүргүзүштү. Палестиналыктардын каршы чыкканы боюнча Израиль аскерлери көздөн жаш агызуучу газ менен катар чыныгы жана желим окторду колдонушту.

Палестинанын Саламаттыкты сактоо министрлигинен берилген жазуу түрүндөгү маалыматта 2 палестиналыктын Ел-Йамун шаарында чыныгы октор менен атылганы, жаралуулардын Жениндеги Ибн Сина ооруканасына жеткирилгени белгиленди.

Билдирүүдө биринин баш жана моюн жагынан, экинчисинин далысынан ок тийип жаракат алгандардын абалынын оор экени белгиленди.

Фанатик жөөттөрдүн Пасах майрамынан улам Масжид-и Аксаны басып алуу чакырыктары акыркы мезгилде Чыгыш Кудс жана Масжид-и Аксада чыңалууну күчөттү.