Ляйен менен Боррель Киевге барат

Еврокомиссиянын төрайымы Урсула фон дер Ляйен менен Евробиримдиктин (ЕБ) тышкы иштер жана коопсуздук саясаты боюнча жогорку өкүлү Жозеп Боррелдин Украинага бара турганы маалым болду.

Урсула фон дер Ляйендин басма сөз катчысы Эрик Мамер өзүнүн социалдык медиа аккаунтунан иш сапары тууралуу билдирүү жасады. 

Мамер: «Ляйен менен Боррель ишемби күнү Польшанын борбору Варшавада өтө турган «Украина үчүн тур» иш-чарасынын алдында ушул аптада Украинанын президенти Вилладимир Зеленский менен жолугушуу үчүн Киевге (Украинанын борбор шаары) барат" деп маалымдады. 

Орус аскерлери 24-февралда Украинага чабуул баштаган болчу.