Зеленский видео билдирүү жасады

Зеленский видео кайрылуусунда Украина элинин Россияга каршы “ата мекендик согуш” жүргүзүп жатканын айтты.

1804970
Зеленский видео билдирүү жасады

Украинанын президенти Владимир Зеленский орус бөлүктөрүнүн Киев жана Черниговдон чегингендигине байланыштуу сөздөргө токтолуп : «Ошол эле учурда Донбасста жаңыдан кол салуу үчүн орус бөлүктөрүнүн чогулгандыгын да көрүп жатабыз»,- деди.

Зеленский видео кайрылуусунда Украина элинин Россияга каршы “ата мекендик согуш” жүргүзүп жатканын,  өлкө аймагында жана Кара деңиз аймагында акыйкаттык орногуча колунан келгендин баарын жасай турганын билдирди.

24 - февралда Украинага кол салган орус аскерлеринин Киев жана Черниговдон чегинди деген сөздөргө көңүл бурган Зеленский : «Мунун артка чегинүү эмес, биздин аскерлерибиздин  эмгегинин натыйжасы экенин билебиз. Бирок биз Донбасста жаңыдан кол салуулар  үчүн орус аскерлеринин чогулганын  да көрүп жатабыз»,- деди.

Зеленский акыркы 24 саатта тынымсыз дипломатиялык сүйлөшүүлөрдүн өткөрүлгөндүгүн, өзгөчө АКШнын президенти Жо Байден менен кенен түрдө сүйлөшүү өткөргөндөрүн билдирди.

Сүйлөшүүдө АКШга жаңы 1 миллиард долларлык гуманитардык жардам жана кошумча катары 500 миллион долларды түздөн түз бюджет жардамы үчүн ыраазычылык билдиргендигин айткан Зеленский : «Президент Байденге Украинанын эмнеге муктаж экендигин айттым. Азыркы учурда бир бурулуш жериндебиз. АКШнын колдоосу принцип катары биз үчүн абдан маанилүү»,- деди.

Зеленский Украинанын чет өлкөлөрдөгү элчиликтеринин дипломатиялык ишмердүүлүгүн күчөтүшү керектигин баса белгилеп : «Украинанын келечеги үчүн иштегендер бар. Алардын ар бирин колдойбуз. Бирок тилекке каршы кызматта калуу үчүн кеңседе отургандар да бар»,- деди.

Украинанын Мароккодогу элчисин чакыртуу  боюнча жарлыкка кол койгонун эске салган Зеленский Грузиядагы элчинин да андан мурда чакырылганын айтып : «Бул өлкөлөрдө  бардык урмат сыйга карабастан курал, санкция жана Россия үчүн бир чектөө болбой турган болсо анда башка жумуш издегиле»,- деди.

Зеленский өлкөсүнүн Латын Америка, Жакынкы Чыгыш, Түштүк Азия жана Африкадагы элчиликтеринен да так жыйынтыктарды күткөндүгүн белгиледи.



Тектеш кабарлар