Зеленский Стамбулда өтө турган сүйлөшүүлөр тууралуу видео кайрылуу жарыялады

Украинанын президенти Владимир Зеленский, Стамбулда өткөрүлө турган сүйлөшүүлөр тууралуу: «Түркияда бетме-бет сүйлөшүү үчүн мүмкүнчүлүк жана муктаждык бар»,-деди.

Владимир Зеленский социалдык тармактагы баракчасынан жарыялаган видео кайрылуусунда, өлкөсү менен Орусиянын сүйлөшүүчү делегацияларынын ортосунда Түркияда боло турган жолугушууларга токтолду.

Сүйлөшүүлөрдө алардын артыкчылыктарынын белгилүү экенин баса белгилеген Зеленский: «Алдыбызда сүйлөшүүлөрдүн жаңы айлампасы күтүп турат, анткени биз тынчтыкты издеп жатабыз. Түркияда бетме-бет сүйлөшүү үчүн мүмкүнчүлүк жана муктаждык бар. Бул жаман эмес. Жыйынтыгын көрөлү»,-деди.

Зеленский өз өлкөсүндөгү жашоону калыбына келтирүүнү максат кылгандарын белгилеп, Украинанын эгемендиги жана аймактык бүтүндүгүнүн корголо турганын айтты.