Отурукташкан жөөттөр Палестинанын айылына кол салды

Фанатик жөөт отурукташкандары оккупацияланган Батыш Шериадагы палестиналыктардын мал-мүлкүнө зыян келтиришип расисттик ураандарды жазышты.

Батыш Шериада орун алган Селфит шаарынын түндүгүндөгү Кира айылдык кеңешинин төрагасы Эшреф Зияде, бир топ отурукташуучунун таң эрте айылга басып кирип, 7 унаанын дөңгөлөктөрүн талкалаганын айтты.

Отурукташуучулардын үйлөрдүн үстүнө ивритче расисттик ураандарды жазгандарын белгилеген Зияде, унаанын үстүнө «Давуттун жылдызы» белгисин тарткандарын жана ивритче «Араптарга өлүм» деп жазгандарын айтты.

Израиль 1967-жылы басып алган Батыш Шериада 250дөн ашык мыйзамсыз жөөт конуштары бар.

Бул жерлерде жашаган 450 миңге жакын жөөт отурукташуучусу Батыш Шериада басып алуу астындагы палестиналыктарга тез-тез кол салууда.

Эл аралык мыйзамдарга ылайык, оккупацияланган аймактагы бардык жөөт конуштары мыйзамсыз деп эсептелет.