Сомалиде болгон жардырууда 10 адам каза болду

Сомалинин борбор шаары Могадишодо бомба жүктөлгөн унаа менен жасалган террордук кол салууда 10 адам каза болду. Алардын ичинен 5 адам коопсуздук кызматкери болгон.

Банадир аймактык башкаруусунун губернаторунун коопсуздук боюнча орун басары Али Яре Али шаардын Вабери районунда «21 – Октябрь» жолунда бомба жүктөлгөн унаанын жардырылышынын натыйжасында 10 кишинин каза болгонун билдирди.

Көп сандаган жаралуунун бар экендигин айткан Али, каза болгондордон 5 адамдын коопсуздук кызматкери экендигин белгиледи.

Могадишодо полиция кызматкери Абдифетах Хассан Аден  аэропортунун кире бериштеринин бирине жакын аймактагы жардыруудан кийин айланадагы имараттардын зыян тарткандыгын айтты.

Кол салуунун жоопкерчилигин террордук уюм Еш – Шебаб алды.