Ядролук куралы бар мамлекеттер ядролук согушту болтурбоого чакырат

Ядролук куралы бар мамлекеттер АКШ (АКШ), Россия, Кытай, Англия жана Франция ядролук согушту жана жарыша куралданууну болтурбоого чакырышты.

Ядролук куралды жайылтпоо келишимине ылайык өзөктүк куралга ээ болууга ыйгарым укуктуу жана ошондой эле Бириккен Улуттар Уюмунун Коопсуздук Кеңешинин (БУУКК) туруктуу мүчөлөрү болгон 5 өлкө биргелешкен билдирүү жасады.

Беш өлкөнүн лидерлери өзөктүк куралы бар мамлекеттердин ортосунда согушту болтурбоо жана стратегиялык тобокелдиктерди жок кылууну эң маанилүү жоопкерчилик катары көргөндөрү баса белгиленген билдирүүдө: «Биз өзөктүк согушта жеңүүчү жок экенин жана бул эч качан болбошу керектигин дагы бир жолу кайталайбыз. Өзөктүк куралды колдонуу чоң кесепеттерге алып келе тургандыктан, ядролук курал бар болгон учурда бир гана коргонуу максатында агрессияны токтотуу жана согуштун алдын алуу үчүн колдонулушу керек»,деген маалымат берилди.

Билдирүүдө лидерлер өзөктүк куралдын мындан ары да жайылышына жол бербөөнүн зарылдыгына бекем ишене тургандыгы баса белгиленген.

«Биз бардыгыбыз өзөктүк куралды уруксатсыз жана мажбурлап колдонууга жол бербөө боюнча улуттук чараларды сактоону жана андан ары күчөтүүнү максат кылабыз»,делген билдирүүсүндө,«Биздин өзөктүк куралдардын бири бири-бирине же башка өлкөлөргө каршы багытталган эместигин дагы бир жолу ырастайбыз»,деп айтылган.

Билдирүүдө бардык мамлекеттер ядролук куралсыздануу үчүн ыңгайлуу коопсуздук кырдаалын түзүүгө умтулушу керектиги белгиленген.

Орусия өзөктүк куралдуу мамлекеттердин биргелешкен билдирүүсүн кубаттады.

Орусиянын Тышкы иштер министрлигинин басма сөз катчысы Мария Захарова жазуу түрүндөгү билдирүүсүндө сөз болгон документтин Орусиянын демилгеси менен даярдалганын айтты.

«Орусия Федерациясы өзөктүк согушта жеңүүчү болбойт жана бул согуш эч качан башталбашы керек деген идеяны жактайт»,-деди ал.