Ирак: «Беларусь-Польша чек арасында 4000ден ашуун ирактык бар»
Ирактын иммиграция жана миграция министри Иван Фаик Кабро, өлкөсүнүн расмий INA агенттигинде жарыяланган билдирүүсүндө Беларусь-Польша чек арасындагы ирактыктар тууралуу маалымат берди.
Ирак Беларусь-Польша чек арасында 4000ден ашуун ирактык бар экенин жарыялады.
Ирактын иммиграция жана миграция министри Иван Фаик Кабро, өлкөсүнүн расмий INA агенттигинде жарыяланган билдирүүсүндө Беларусь-Польша чек арасындагы ирактыктар тууралуу маалымат берди.
Кабро министрликтин делегациясынын чек арада калган ирактыктар маселесин талкуулоо үчүн Польшага барганын билдирди.
Беларусь-Польша чек арасында 4000ден ашуун ирактык бар экенин белгилеген Кабро, министрликтин иммигранттардын өлкөгө мажбурлап чыгарылышын эмес, өз ыктыяры менен кайтып келүүсүн жактаганын айтты.
Кабро, министрликтин мигранттар маселеси боюнча Бириккен Улуттар Уюму (БУУ) менен байланышта экенин жана лагерлердеги ирактыктардын көбү кайтып келүүдөн баш тартканын белгиледи.
Ирактын Тышкы иштер министрлигинин басма сөз катчысы Ахмет Саххаф, Беларустан ушул убакка чейин 3556 кишини Иракка алып кетишкенин жарыялады.
Европага эмиграция издеп Беларустан Польшага өтүүгө аракет кылган арасында ирактыктар да болгон миңдеген адамдар оор шарттарда 3 айга жакын чек арада күтүп турушат.
Эки өлкөнүн чек арасында күтүп тургандардан кеминде 10 киши суук аба ырайынан жана тамак-ашсыздыктан улам каза болгондугу билдирилди.
