Samsung АКШда жаңы завод курат

Samsung компаниясы 17 миллиард долларлык компьютер чиптерин чыгаруучу жаңы заводу үчүн Америка Кошмо Штаттарынын Техас штатын тандап алды.

Техас штатындагы Тейлор шаарына жакын жерде курула турган объект Түштүк Кореянын электроника гигантынын АКШдагы эң чоң инвестициясы болот.

Технология тармагынан 2 миң кишини иш менен камсыздай турган объекттин курулушу келерки жылы башталып; 2024-жылдын экинчи жарымында ишке кириши пландалууда.

Samsung, көптөгөн атаандаштары сыяктуу эле, жеткирүү түйүнүндөгү көйгөйлөрдү чечүү үчүн АКШда чип өндүрүшүн кеңейтүү үчүн жарышууда.