Суданда өзгөчө кырдаал жарыяланды

Суданда өзгөчө кырдаал жарыяланды.

Эгемендүүлүк кеңешинин төрагасы, генерал Абдулфеттах аль-Бурхан, Эгемендик Кеңешин жана өкмөттү таркатып, өзгөчө кырдаал жарыялаганын жарыялады.

Бурхан, мамлекеттик телекөрсөтүүдөгү сөзүндө шайлоонун мурда пландалгандай 2023-жылы өтөөрүн жарыялады.

Суданда бир топ аскерлер эртең менен премьер-министр Абдулла Хамдук менен коалициялык өкмөткө мүчө партиялардын лидерлерин кармап кетишкен.

Андан кийин борбор шаар Хартумдун айрым аймактарында нааразылык акциялары башталды. Айрым жолдордо демонстранттар дөңгөлөктөрдү өрттөп, жолдорду кыймылга жаап салышканы белгиленди.

Судандын Маалымат министрлиги, Эгемендүүлүк кеңешинин айрым мүчөлөрү менен өткөөл өкмөттүн кээ бир министрлеринин аскердик күчтөр тарабынан камакка алынганы тууралуу маалыматты бөлүштү.

Судандын саясий партиялары төңкөрүш аракетинен кийин жарандык баш ийбөөчүлүккө чакырса, Судандын кесиптик палаталар биримдиги элди көчөгө чыгууга чакырды.

Өлкөдө аскердик ишмердүүлүктөн кийин интернетте жана телефон линияларында үзгүлтүктөр болуп жатат.