Грузиянын мурдагы президенти Саакашвили Грузияга кайтканын жарыялады

Сырттан камакка алуу чечимине байланыштуу 8 жылдан бери өлкө тышында жүргөн Грузиянын мурдагы президенти Михаил Саакашвили өлкөсүнө кайткандыгын жарыялады.

Саакашвили социалдык бөлүшүү сайты фейсбуктан берген видео билдирүүсүндө 8 жылдык убакыттан кийин Грузияга баргандыгын айтты.

Эртең өлкөдө жергиликтүү кеңештерге шайлоо болорун эске салган Саакашвили  элди добуш берүүгө жана 3 -  октябрда да Тбилисинин борборунда чогулуп добуштарын коргоого чакырды.

Грузиянын ички иштер министрлигинен берилген маалыматта Саакашвилинин Грузиянын чек араларынан өтпөгөндүгү маалымдалды.

Грузия прокуратурасы 2007 -  жылы оппозициянын митингин таркатуу, Имеди телекөрсөтүү каналынын куруучусу Бадри Патаркачишвилинин мал  - мүлкүн конфискциялоо, коррупция жана кызматын кыянатыкка колдонуу, бир депутатты токмоктотуу менен айыптаган Саакашвили тууралуу камоо чечимин чыгарган.

Тбилиси шаардык соту да 2018 -  жылы Саакашвилиге бир кылмыш доосунда мунапыстыкты кыянаттык менен колдонду деген негиз менен 3 жылга эркинен ажыраткан.

Саакашвили 2013 -  жылы Грузияда президенттик кызматынын мөөнөтү толгондон кийин өлкөдөн чыгып АКШга барып андан кийин Украинага өткөн.

Украинанын президенти Владимир Зеленский өткөн жылы Саакашвилиге Украина жарандыгын берген.