Грецияда студенттер нааразы

Грецияда университеттин студенттери көчөгө чыгышты.

Борбор шаар Афинада коронавирустун (Ковид-19) кесепетинен бир жылга жакын билимдин үзгүлтүккө учурашына нааразы болгон студенттер окуу жайлардын ачылышын талап кылышты.

Студент болуу кампуста болуу дегенди билдиргенин айткан митингчилер: «Эксперименттер биздин жашообузга эмес, университеттин лабораторияларында жасалышы керек» деген жазууларды көтөрүп чыгышты.

Грецияда өкмөт пандемиялык чаралардын алкагында университеттерди жапкандан кийин онлайн режиминде билим ала баштаган болчу.