Байден кызамыкты "карантинди талап кылуучу оорулардын" тизмесине кошту

Америка Кошмо Штаттарынын (АКШ) президенти Жо Байден, Ооганстандан эвакуацияланып Америка Кошмо Штаттарына алып келинген кээ бир оогандардын арасында аныкталгандан кийин кызамыктын "карантинге алынуучу жугуштуу оорулар" категориясына киргизилишин көздөгөн жарлыкка кол койду.

Жо Байден кол койгон жарлыктын негизинде АКШнын Ооруларды көзөмөлдөө жана алдын алуу борбору (CDC) менен Саламаттыкты сактоо министрлигине керектүү учурда кызамык диагнозу коюлган же оору менен байланышта болгон адамдарды карантинге алуу укугу берилет.

Карантиндин эрежеси жана узактыгы тууралуу толук маалымат берилген жок.

Ооганстандан эвакуацияланган кеминде 7 кишиге кызамык диагнозу коюлгандан кийин АКШга ооган качкындарын ташыган аба каттамдары токтотулган болчу.