Кипрдин Рум бөлүгүндө жасалма вакцина карточкасын берүү чатагы...
Alithia гезитинин кабарында, Рум аймагында пациенттерине жасалма Ковид-19 вакцинасы карталарын бергени айтылган дарыгерлерге байланыштуу маселенин Кипр Румунун Башкы прокурорунун төрагалык астында өткөрүлө турган жыйында карала турганы билдирилди.
Кипрдин Рум бөлүгүнүн Ларнака шаарындагы дарыгер жасалма жаңы типтеги коронавирустук эмдөө картасын (Ковид-19) 600 еврого бергени үчүн камакка алынгандан кийин, «жасалма эмдөө картасы» чатагынын көлөмү чоңураак жана үч дарыгер иликтенгени айтылган.
Alithia гезитинин кабарында, Рум аймагында пациенттерине жасалма Ковид-19 вакцинасы карталарын бергени айтылган дарыгерлерге байланыштуу маселенин Кипр Румунун Башкы прокурорунун төрагалык астында өткөрүлө турган жыйында карала турганы жана Кипр Румунун полициясы 7 күндүн ичинде 20дан ашык кишинин тергөөдө сурагын бүтүрүүгө аракет кылганы билдирилди.
Экөө Пафосто, бири Лимасолдо болгон окуялар иликтенгенин баса белгилеген кабарда, Пафосто иштеген педиатр баласына жасалма эмдөө картасын бергени жана баланын учурда Лимасолдогу Башкы ооруканада Ковид-19 боюнча дарыланып жаткандыгы белгиленди.
Үчүнчү окуяда, гезит Лимасолдогу жубайлар өздөрүнүн жеке дарыгерлеринен системага «эмделген» деп каттоону суранышканын жана дарыгер муну кабыл албаганын, жубайларды оорулуулардын тизмесинен чыгарып, полицияга кабарлаганын жазган.
Гезит жазгандай, изилдөөлөргө ылайык, учурда ооруканада дарыланып жаткан жана абалы оор болгон каралып жаткан дарыгердин 3 пациенти системада эмделгени көрүнгөн, бирок алар чындыгында эмделген эместиги аныкталган.
Кипр Рум бөлүгүндө 2021-жылдын 7-августунда 53 жаштагы Ларнака дарыгери Ковид-19 вакцинасы жок адамга жасалма эмдөө картасын берген деген негизде кармалганы кабарланган.
Жасалма эмдөө картасы берилген жана Ковид-19 анализи позитив болуп чыккан адам реанимацияда жатканы жарыяланды.
