Песков: «Түркия менен карым-катнаштар абдан маанилүү»

Россиянын Президенттик сарайы Кремлдин катчысы Дмитрий Песков, Түркия менен карым-катнаштардын «абдан маанилүү» экендигин жана аймак үчүн туруктуулук камсыз кылынгандыгын айтты.

Песков, Россия-1 мамлекеттик телекөрсөтүүсүндө көрсөтүлгөн «Москва. Кремль. Путин» программасында Түркия НАТОнун мүчөсү экендигин эске салып, «Түркия менен болгон мамилебиз НАТОго мүчө мамлекеттер менен өнөктөштүк мамилелерди орнотуу мүмкүнчүлүгүнүн жана зарылдыгынын мисалы болуп саналат», сөз айкашын колдонгон.

Песков ошондой эле Россия НАТО менен отуруп сүйлөшө ала тургандыгын белгилеп, «Анткени диалогдо гана сиз башка тарапка көйгөйлөрүңүздү туура жеткире аласыз»,деген серебин салды.

Мамилелерди кайрадан баштоого аракет кылышкандыгына карабастан, аларга күн тартибинин «ультиматум» менен таңуулангандыгын белгилеген Песков, экинчи тараптын бул аракеттери диалогду мүмкүн эмес кылгандыгын айтты.

Альянстын тирешүү аракеттеринен башка функцияларга көңүл бурбагандыгын жактаган Песков, бул демилгелер континентти туруксуздаштырарын эске салды.

Песков, буга карабастан Россия НАТО менен конструктивдүү мамилелерди түзүүгө кызыкдар экендигин билдирди.