Грузия Азербайжан менен Арменияга арачылык кылууда

Грузиянын премьер-министри Иракли Гарибашвили, Азербайжандын 97 миң минанын карталарын алуу үчүн кармалган 15 армян жаранын кайтарып берүү процессине өлкөсүнүн да салымы чоң болгонун белгилеп, алар келечекте да ортомчулук кылууга даяр экендигин билдирди.

Гарибашвили Азербайжан жана Армения тарабынан кабыл алынган чечимге баа берип, Тбилиси бийлигинин максаты Кавказда тынчтыкты жана туруктуулукту сактоо экендигин, ушул багытта Азербайжандын президенти Илхам Алиев жана Армениянын премьер-министри Никол Пашинян менен активдүү сүйлөшүүлөрдү улантып жатышканын билдирди.

Келечекте эки мамлекеттин ортосунда ортомчулук кылууга даяр экендиктерин баса белгилеген Гарибашвили: «Биз Грузия бул процессте дагы бир жолу ортомчулук кылууга даяр экендигин билдиргибиз келет. Мен жеке өзүм эки өлкөнүн лидерлерине биз даяр экенибизди билдирдим жана бул процесс уланып, жалпы тынчтык менен туруктуулукту орнотот деп терең үмүт артамын. Биздин жалпы максатыбыз - бул региондогу туруктуулук жана тынчтык. Бул абдан маанилүү жана узак мөөнөттүү долбоорлорду ишке ашырууга негиз болот».