Sinovac коронавируска байланыштуу өлүмдүн алдын алууда дагы таасиридүү экендиги аныкталды

Коронавирустун жаңы түрүнө (Ковид-19) каршы иштелип чыккан Sinovac вакцинасы BioNTech / Pfizer вакцинасына караганда вируска байланыштуу өлүмдүн алдын алгандыгы аныкталды.

Уругвайдын Саламаттыкты сактоо министрлиги Кытайда жайгашкан Sinovac биотехнология компаниясы тарабынан чыгарылган CoronaVac вакцинасы боюнча Түркияда дагы колдонулган изилдөө ишинин натыйжаларын жарыялады.

Германиянын BioNTech / Pfizer вакцинасына караганда CoronaVac вакцинасы  Ковид-19 менен байланышкан өлүмдөрдүн алдын алгандыгы аныкталган изилдөөгө ылайык, CoronaVac эки дозадан 14 күн өткөндөн кийин өлүмдү 97 пайызга кыскарткан, ал эми BioNTech / Pfizer болсо эки дозадан 14 күн өткөндөн кийин өлүмдү 80 пайызга кыскарткан.

Бирок, изилдөө жүргүзгөн эксперттер изилдөөдө курактык топтор, адам көтөрүп жүргөн башка оорулар жана өзгөчө тобокелдиктер эске алынган жок деп билдиришип, алынган натыйжаларды этияттык менен чечмелөө керектигин эскертишти.

Бул факторлор өлүм көрсөткүчүнө чоң таасирин тийгизип жаткандыгын белгилеген адистер, аларды этибарга албоо изилдөө натыйжаларына таасир этиши мүмкүн деп билдиришти.