Эмдөөлөр ооруп калуу жана өлүм коркунучун азайтууда

Коронавирустун жаңы түрүнө (Ковид-19) каршы иштелип чыккан вакциналар ооруп калуу, ооруканага жатуу жана өлүм коркунучун азайтары аныкталды.

Италиянын Саламаттыкты сактоо министрлиги жана Италиянын Жогорку ден-соолук институту (ISS) кеңири эмдөө кампаниясы башталган 2020-жылдын 27-декабрынан баштап 2021-жылдын 3-майына чейин Ковид-19 вакцинасын алган 13,7 миллион адамга жүргүзүлгөн биргелешкен изилдөөнүн жыйынтыктарын жарыялады..

Изилдөөнүн жыйынтыгында, вакцинанын биринчи дозасы киргизилгенден кийин 35 күндүн ичинде Ковид-19дан каза болуу коркунучу 95 пайызга төмөн болгон.

Эмдөөдөн өтпөгөндөрдүн айтымында, жуктуруп алуу коркунучу 80 пайызга, ал эми эмделгендер ооруканага жатып калуу 90 пайызга төмөндөгөн.

Вакциналардын эффективдүүлүгү ар кандай курактагы аялдар үчүн да, эркектер үчүн дагы окшош экени айтылды.

Учурда Ковид-19 эпидемиясына каршы күрөшүүдө Италияда 4 башка вакцина колдонулуп жатат: Pfizer / BioNTech, Moderna, Johnson & Johnsan жана Oxford / AstraZeneca.

Ковид-19га каршы кеңири эмдөө өнөктүгү 2020-жылы 27-декабрда башталган өлкөдө ушул убакка чейин 26 миллион 867 миң 179 адам эмдөөдөн өттү.

Вакцинанын экинчи дозасы алардын 8 миллион 435 миң 227ине жасалган.