Африкада 650 000ден ашуун бала безгекке каршы эмделди

Дүйнөдө безгек оорусуна каршы чыгарылган алгачкы вакцина Африка материгинин 3 өлкөсүндө 650 000ден ашуун балага берилди.

1625725
Африкада 650 000ден ашуун бала безгекке каршы эмделди

Дүйнөдө безгек оорусуна каршы чыгарылган алгачкы вакцина Африка материгинин 3 өлкөсүндө 650 000ден ашуун балага берилди.

ДСУдан берилген жазуу түрүндөгү маалыматта акыркы 2 жылда Гана, Кения жана Малавидеги вакцина программасынын негизинде 1, 7 миллион дозадан ашуун вакцинанын берилгендиги белгиленди. Вакцина Африканын 3 өлкөсүндө 650 000ден ашуун балага берилди.

"RTS,S" деп билинген жана 4 доза берилген вакциналардын  коргоочу чараларга жетүү мүмкүнчүлүгү болбогондор үчүн чоң маанигее ээ экендигин белгилеген ДСУнун иммундук, эмдөө жана биология директору доктор Кэтрин О'Брайен : «Бул вакцина безгектен коргонууда жана дагы көп өмүрдү куткарууда ачкыч боло алат»,- деди.

Дүйнөнүн бир топ жеринде жыл сайын жүз миңдеген кишинин өлүмүнө жол ачкан безгек оорусу үчүн чыгарылган вакцина биринчи жолу 2019 -  жылы апрель айында Малавиде бериле баштады.

Өлүмгө алып келүүчү оорулардын башында турган жана ар бир 2 минутада бир баланын өлүмүнө себеп болгон безгек эң көп Африкада.

Паразиттерди алып жүрүүчү чиркейлердин чагуусу менен жуккан жана орточо 7 күндүк инкубация  мезгилинен кийин ортого чыккан безгек; температура, тердөө, баш оору, жүрөк айлануу, кусуу, булчуңдардын оорушу, алсыроо сыяктуу сасык тумоого окшогон белгилер менен байкалат.



Тектеш кабарлар