Иранда кар көчкү болду
Кар күчкүдө каза болгондордун саны 6га жетти.
1552379
Ирандын борбор шаары Тегеранга караштуу Шемиранат районунда кечээ кечки сааттарда кар көчкү болуп, көчкүнүн астында калып каза болгондордун саны 6га жетти.
Ирандык студенттер маалымат агенттигинин билдиргенине караганда Иран Кызылайы жардам жана куткаруу мекемесинин төрагасы Мехди Велипур Тегерандын түндүк аймактарындагы кар жана кар бороонунан улам Шемиранат районунда болгон кар көчкүдө 6 кишинин жансыз денесинин табылгандыгын айтты.
Велипур окуяда эң аз 16 кишинин да жоголгондугун белгилеп, Иран Кызылайына караштуу издөө – куткаруу топторунун жоголгон кишилерди табуу үчүн ишин улантып жаткандыгын белгиледи.
