БУУ "Ковид-19" саммитин өткөрөт
Саммитте 50дөн ашуун мамлекет башчылары, 39 өкмөт башчылары жана 40ка жакын министрлердин сөз сүйлөшү күтүлүүдө.
Бириккен Улуттар Уюмунун (БУУ) Башкы Ассамблеясы 3-4-декабрда "Ковид-19" саммитин өткөрөт.
БУУнун 75-Башкы Ассамблеясынын жетекчиси Волкан Бозкырдын төрагалыгы астында өтө турган жана дүйнө лидерлери онлайн режимде катыша турган саммитте коронавирус (Ковид-19) пандемиясы, пандемияга каршы күрөш, эмдөө жана социалдык-экономикалык калыбына келтирүү маселелери талкууланат.
Саммиттин экинчи күнүндө Дүйнөлүк саламаттык сактоо уюмунун (ДСУ) директору Тедрос Аданом Гебреисус презентация жасайт.
Жеке сектордун өкүлдөрү, жарандык коомдук уюмдар, Ковид-19га каршы вакциналарды иштеп чыгуучу илимпоздор жана фармацевтикалык компаниялар катыша турган саммитте 50дөн ашуун мамлекет башчылары, 39 өкмөт башчылары жана 40ка жакын министрлердин сөз сүйлөшү күтүлүүдө.
Тектеш кабарлар
Газада менингит жана гепатит жайыла баштады
Бул тууралуу Палестинанын Саламаттыкты сактоо министрлигинен жазуу түрүндөгү маалымат берилди.
