Коронавирус Иранда жан алды
Covid-19 эпидемиясы коркунуч жаратууда.
Ирандын Кум шаарында, жаңы типтеги коронавирустун себебинен 2 киши каза тапты.
Саламаттык сактоо министрлигинин коомчулук менен байланыш боюнча кызматкери Киянуш Жиханпур Твиттердеги билдирүүсүндө, Кум шаарында дем алуусу оорлошкондуктан байкоого алынган жана жаңы типтеги коронавирус аныкталган 2 кишинин каза тапкандыгын кабарлады.
Кум медицина университетинин ректору Мухаммед Рыза Кадир да Иран медиасына жарыялаган билдирүүсүндө, акыркы 4 күндүн ичинде дем алуусу начарлаган бейтаптардын саны көбөйгөнүн белгиледи.
Шаарда бүгүн мектептер жабылды.
Кытайдын Хубэй аймагына караштуу Ухань шаарында 12-декабрда пайда болгон жаңы типтеги коронавирустун кыска убакытта башка шаар жана өлкөлөргө жайылганы боюнча Дүйнөлүк саламаттык сактоо уюму «чукул абал» жарыялаган болчу.
Кытайда Covid-19 эпидемиясынан каза тапкандардын саны 2 миң 120 кишиге, вирусту жуктургандардын саны болсо 74 миң 576га жетти.
Тектеш кабарлар
Кытайда болгон сел жана жер көчкүдө 4 адам каза болуп, 10 адам дайынсыз жоголду
Кытайда нөшөрлөп жааган жамгырдан улам сел жана жер көчкү болуп, 4 адам каза болду.