АКШ Япониядагы жүргүнчү кемесинен эвакуациялаган жарандарын карантинге алды

Жаңы типтеги коронавирус эпидемиясынын себебинен Японияда карантинге алынган жүргүнчү кемесинен эвакуацияланган АКШ жарандары өлкөдө карантинге алынды.

Америкалык саламаттык сактоо жетекчилери, Иокогама портунда 4-февралда карантинге алынган 3 миң 500ден ашуун киши болгон "Diamond Princess" аттуу жүргүнчү кемесинен чыккан 328 АКШ жаранын ташыган учактардын, Калифорниядагы "Трэвис" аба базасына жана Техаска караштуу Сан-Антонио шаарындагы "Лакленд" аба базасына конгондорун билдиришти.

Эвакуациялангандардын 14 күн бою бул базаларда курулган карантин борборлорунда байкоого алына тургандары кабарланды.