Израиль аскерлери 4 палестиналыкты жаралады
Израиль аскерлери басып алган Батыш Шерианын Рамаллах шаарында бир аймакка жүргүзгөн кол салуусунда 4 палестиналыкты чыныгы ок менен жаралады.
Израиль аскерлери басып алган Батыш Шерианын Рамаллах шаарында бир аймакка жүргүзгөн кол салуусунда 4 палестиналыкты чыныгы ок менен жаралады.
Эрте мененки сааттарда Рамаллахтын батышындагы Дир Эбу Мешал аймагын басып алган Израиль аскерлери окуяга каршы чыккан палестиналыктарга көздөн жаш агызуучу газ менен бирге чыныгы ок менен кийлигишти.
Палестиналыктар болсо аскерлерге таштар менен каршылык көрсөтүштү.
Палестинанын саламаттык сактоо министрлигинен берилген жазуу түрүндөгү маалыматта да ооруканага жаткырылган жаралуулардын бирөөсүнүн абалынын оор экендиги билдирилди.
Израиль аскерлери Рамаллах шаарына караштуу Эбу Каш аймагына да баскын жасады.
Аскерлер палестиналыктарга таандык дүкөндөрдө тинтүү жүргүзүп жатканда баскынга каршылык көрсөткөн палестиналыктар менен Израиль аскерлеринин ортосунда кагылышуу чыкты. Палестиналыктар тарабынан ыргытылган таштарга Израиль аскерлери чыныгы ок жана көздөн жаш агызуучу газ менен жооп берди. Окуяда 20 жаштагы бир палестиналык чыныгы ок менен желкесинен жараланды.
Басып алынган Батыш Шериа жана Чыгыш Кудста бат - бат басып алуу кыймылдарын аткарган Израиль күчтөрү түрдүү ойлор менен палестиналыктарды камоого алууда.
