Соломон аралдарында жер титирөө болду

Тынч океандагы Соломон аралдарында кечээ 7,8 баллдык жер титирөө болуп, андан 40 үй зыян тартты.

Соломон аралдары өкмөтүнөн маалымдалгандай, Киракира аймагынын 68 километр түштүк-батышында жана океанда 48 километр тереңдикте болгон 7,8 баллдык жер титирөөдөн алгачкы белгилөөлөргө карганда жабыркагандар катталган жок.

Кайталанган жер силкинүүлөр болсо уланып жатат.

Жер титирөөдөн кийин айрым аралдарда байланыш үзүлдү.

АКШнын Тынч океандагы цунами борбору жер силкинүүдөн кийин Соломон аралдары, Вануату, Папуа-Жаңы Гвинея, Науру, Жаңы Каледония, Тувалу жана Косрааэ аймактары үчүн жарыяланган цунами эскертүүсү жоюлду.