«Сирияда тарихи кезең»

Түркия Ұлы Ұлттық Мәжілісінің төрағасы Нуман Куртулмуш Сирияда тарихи кезеңнің куәсі болып отырғандарын мәлімдеді.

2025 жылға арналған бюджет талқылауларының ашылуында Куртулмуш: "Еркін және демократиялық Сирияны құру үшін Түркия өзіне жүктелген міндеттерді орындауға бар күшін салады," – деді. Ол Түркияның басты басымдықтарының бірі елде ұзақ жылдар бойы уақытша тұрып жатқан мигранттардың қауіпсіз әрі ерікті түрде оралу процесін жеделдету екенін атап өтті.

Вице-президент Джевдет Йылмаз болса "Сириядан Түркияға бағытталған террор қаупіне қарсы барлық қажетті шаралар қабылдануда. Сириялық бауырларымыз өз елдеріне қауіпсіз және ерікті түрде оралады," – деп мәлімдеді.

27 қарашада Сирияда режим күштері мен қарулы топтар арасындағы қақтығыстар күшейді. 7 желтоқсаннан бастап топтар Дамаск қаласына ене бастады, бұл үдерісте халықтың қолдауы маңызды рөл атқарды. Нәтижесінде режим ел астанасы мен басқа да аймақтарда бақылауды толығымен жоғалтып, құлады.

Кеше 61 жылға созылған Баас партиясының дәуірі аяқталып, режим басшысы Башар Асад ел астанасынан қашқан болатын.